KUPFUFHIFHADZELE KWA MAFHUNGO/U NWELEDZA (SUMMARY/PRÉCIS)

Nweledzani/pfufhifhadzani mafhungo a ndima dzi tevhelaho nga maipfi a sa padi fu-malo (80)

Maemu ndi musidzana we a ḓo ri musi a tshi fara gole ḽa vhuvhili a ponya kha khombo ya tshiendedzi ye ya vhulaha vhabebi vhawe na vhathu vhoṱhe vhe vha vha vhe ngomu. Vhaḓivhi vha aya mafhungo vhe Maemu o ponya nge tshiendedzi tshe vha vha vhe khatsho tsha mu ṱanza tshi sa athu u phiguluwa. Izwi zwo ita uri tsiwana iyi i aluswe nga malume ayo Vho-Tshidudu vhe vha vha vhe na vhana vha fumi.

Naho Vho-Tshidudu vho vha vha tshi funa uyu muḓuhulu wawo, vho swika he vha vho kundelwa u sumbedza ulwo lufuno nge mufumakadzi wavho, Vho Mutshekwa, vha ḓo fhaṱela vivho ḽa uri uyo ṅwana u nga u vho funwa u fhira vhavho vhana. Vivho ili ḽo ita uri vhutshilo ha Maemu vhu shanduke lwa tshoṱhe. Malume awe vho ḓo swika he vha vha vha tshi vho ofha u amba nae nge vha vho shavha u kwasha muta wavho. Zwiḽiwa o vha a si tsha zwi wana nga pfanelo, zwiambaro ha vho vha mathatha, musi hu tshi edelwa ene o vha a tshi fuka saga a siamela tshanḓa. Musi e kha gireidi ya malo ovha e ene a no fanela u ḓivha uri muiṅwe na muiṅwe mutani wa ha Tshidudu o ḽa nahone o ambara zwiambaro zwo kuvhiwaho na u ainiwa zwavhuḓi. Vhukuma tsiwana ya Mudzimu yo vha i tshivheregi tshi sa holi.

Tshe tsha balela vho Mutshekwa ndi u litshisa uyu ṅwana tshikolo. Muthu we a thusa ndi Ṱhoho ya tshikolo vhe, nga u vha na nḓivho ya vhutshilo ha uyu ṅwana, vha ombedzela uri Maemu ha ngo fanela u litsha tshikolo. Izwo zwo ḓo sinyusa Vho Mutshekwa tshoṱhe lwe vha mbo ita tshikwekwe tsha u rambela uyu ṅwana vhavhulahi. Nangoho phondi yo wanala ya rengwa nga rannda dza zwigidi zwiraru Phondi iyi yo ḓo ri i tshi kha ḓi ita tsedzulusu ya uri i nga thuntsha Maemu hani, lini na ngafhi, ya vho sevheliwa uri uyo ṅwana ane ya khou ṱoḓa u mu vhulaha ndi tsiwana. Izwi zwo ḓo i khaula mbilu ya humbula uri muthu ane ya tea u mu vhulaha ndi vhone Vho Mutshekwa.

Fhedzi-ha, phondi iyo yo ḓo delwa nga muhumbulo wa vhuḓi wa u ya u vhiga mulandu mapholisani nga zwe Vho Mutshekwa vha vha vho elekanya. Vho Mutshekwa vho ḓo gwevhiwa minwaha ya fumi-ṱhaṋu vhe dzhele. Maemu ene o mbo bveledza pfunzo dzawe a guma e mulanguli wa zwa pfunzo kha ḽoṱhe ḽa Afurika Tshipembe.

Comments

A working framework empowers coordination of equipment segments. Every equipment gadget talks an alternate dialect, yet the operating system can converse with them through the particular translational virtual products called device drivers. Each equipment segment has diverse drivers for Operating systems. These Cheap Essay Help drivers make the correspondence effective between the other softwares.