NGANO (FOLKLORE)

NGANO NDI MINI? (WHAT IS FOLKLORE)

Ngano ndi manwalwa ane a vhulunga luambo lwa vho makhulukuku vhashu lune tshifhingani tsha zwino a lu tsha pfala u ambwa, vhunga mvelele i tshi khou shanduka tshifhinga tshoṱhe. Manwalwa aya ndi a layaho, a fhatusaho, a dovha hafhu a mvumvusa vhukuma. Rine vha tshilaho ri tea u vhulunga manwalwa aya, ra a rathisela kha vhaduhulu vhashu. Ngano dzo khethekanywa nga tshaka nṋa, dzine dza vha ngano dza tsiko, ngano dza mafhungo a sialala, ngano dza vhathu na ngano dza phukha.

Musi vhagudi vha tshi guda manwalwa aya vha tea u dzhiela nzhele maidioma, mirero na thai.

NGANO DZA MAFHUNGO A SIALALA (LEGENDS) Murahu
Ngano idzi dzi anetshela nga zwe zwa bvelela kale kana dza anetshela nga vhahali vha tshifhinga tsha kale (zwe vha lwisa zwone) kana dza anetshela nga ha mipfuluwo na mishavho ye ya vhuya ya vha hone.

Tsumbo: "Ngomalungundu"

VHAANEWA VHA NGANO DZA SIALALA
*Vhathu
*vhahali

MISHUMO YA NGANO DZA SIALALA
1.U mvumvusa na u takadza thangana ya murole
2.U dowedza vhana u tshila na vhaiṅwe vhathu
3.U kuvhanganya vhathu
4.U gudisa vhathetshelesi uri vha vhathihi na dziṅwe tshaka
5.U kona u fhambanya lushaka lwa muthetshelesi na dziṅwe tshaka
6.U ṋea lushaka nḓivho yo dalaho ya lwonolo lushaka
7.U divhadza vhathetshelesi vhubvo ha lushaka lwonolo.

NGANO DZA VHATHU (FOLKTALES)
Tsumbo: "Muiṅwe musadzi wa lunako" kana "Muṱhannga wa goswi"

TSHIVHUMBEO TSHA NGANO DZA VHATHU
*Mathomele
*Mutumbu
*Magumo

VHAANEWA
1. Muanewa muhali: Ndi ene ane mafhundo manzhi a kwamesa ene. Ndi ene a lingedzaho u tandulula thaidzo dzi mu tandedzaho. Thaidzo idzo u ya dzi tandulula kana dza mu balela. Murahu kha tshaka dza vhaanewa
2. Muanewa muvhi: Muanewa muvhi kanzhi u vha a tshi khou dina muanewa muhali kana vhaiṅwe vhathu. Ndi muanewa a sa ṱoḓi zwa vhaiṅwe vhathu zwi tshi naka. Murahu kha tshaka dza vhaanewa
3. Muanewa murwela hoṱhe: Uyu u ya lutanya. Ndi muanewa a ngaho tari ḽi yaho hune muya wa rwela hone. Musi zwi difhaho zwi tshi fhela hune a khou fhulula mafhungo, u mbo shavhela kha ula we a vha a tshi khou amba ngae. Murahu kha tshaka dza vhaanewa

MISHUMO YA NGANO DZA VHATHU
*Dzi gudisa u amba phanḓa ha vhathu kana tshigwada
*Dzi gudisa u hulisa vhathu vhahulwane
*Dzi gudisa u londota zwithu na minwe mikhwa ya vhuḓi
*Dzi gudisa u thusa na u funa vhaiṅwe vhathu
*Dzi gudisa u sa vha na tseda
*Dzi gudisa u sa ofha
*Dzi na pfunzo
*Dzi a talifhisa vhana
*Dzi a tutula maluvhi a vhana

NGANO DZA PHUKHA (FABLES & ANIMAL STORIES)
Idzi ndi ngano dzi shumisaho zwipuka sa vha vhaanewa. Ndi afha hune ra wana tshipuka tshi tshi muthufhadzwa tsha vho ita zwiito zwa vhathu.

Tsumbo: "Tshidula na musadzi watsho" kana "Sankambe na mapfene"

TSHIVHUMBEO TSHA NGANO DZA PHUKHA
*Mathomele
*Mutumbu
*Magumo

VHAANEWA
1. Muanewa muhali: Ndi ene ane mafhungo manzhi a kwamesa ene. Ndi ene a lingedzaho u tandulula thaidzo dzi mu tandedzaho. Thaidzo idzo u ya dzi tandulula kana dza mu balela.
2. Muanewa muvhi: Muanewa muvhi kanzhi u vha a tshi khou dina muanewa muhali kana vhaiṅwe vhathu. Ndi muanewa a sa ṱoḓi zwa vhaiṅwe vhathu zwi tshi naka.
3. Muanewa murwela hoṱhe: Uyu u ya lutanya. Ndi muanewa a ngaho tari ḽi yaho hune muya wa rwela hone. Musi zwi difhaho zwi tshi fhela hune a khou fhulula mafhungo, u mbo shavhela kha ula we a vha a tshi khou amba ngae.

MISHUMO YA NGANO DZA PHUKHA
*Dzi na pfunzo
*Dzi a laya vhana vhaṱuku uri vha vhe na vhudifari ha vhuḓi
*Dzi a mvumvusa vhathetshelesi na muanetsheli

TSHAKA DZA VHAANEWA (TYPES OF CHARACTERS) Murahu
Nga nnda ha muanewa muhali, muvhi na murwela hoṱhe ri dovha ra sedza uri avho vhaanewa vho ima nga ndila-ḓe:

Vhabvumbedzwa vha vhathu kanzhi ri wana hu tshi shumiswa vhana, musadzi na khotsi; vhamusanda na vhatanuni; makhulu na vhaduhulu; na vhasidzana na vhaṱhannga.

Ngano dza TshiVenḓa dzi dovha hafhu dza shumisesa phukha na zwinoni, zwi tshi fhiwa kutshilele na zwiito zwa vhathu. Dzi tevhelaho ndi dziṅwe dza idzo phukha:

1. Mapfene/Mathavhani: (Ndi phukha dzo imelaho vhathu vha no dzindela kana vha sa lengi u fhurea).

2. Ṋowa: (Vhathu vha sa funwi na khathihi naho hu si na tshe vha khakha kana vhathu vho vhifhaho nga maanḓa fhedzi mishumo yavho i tshi takadza).

3. Muzhou: (Vhathu vhahulwane vha maimo kha lushaka sa mahosi na dzinduna).

4. Sankambe/Muvhuda: (Vhathu vha vhutali vhane vha kona u vhamba maano a u ditshidza musi vhe khakhathini).

5. Phunguhwe na Phele: (Vhathu vha vhutshilo vhuvhi nahone ha vhufhura).

6. Ndau: (Vharangaphanda, vhathu vha dinaho vhaiṅwe kana vhavhulahi).

Vhabvumbedzwa avha kanzhi ri wana vha tshi mbo ḓi shanduka vha vho vha zwe vha vha vha si zwone. Musadzi u a mbo ḓi shanduka a vha phele, mutukana a shanduka a vho vha ṋowa kana thavha ya shanduka ya vho vha muthu, ngauralo-ngauralo.